6
accedit. Incisio cutis literae H similitudinem habuit. Dimidium pollicis femoris et
tibiae vel minima pars remota est. Die decimo septimo mulier pyaemia mortua est.
Mulieris mortuae extremitates articulares necrosi erant affectae.
Resectiones, qüas fecit Erichsen.
1) Vir viginti duo annos natus, phthisi pulmonum affectus, arthrophlogosi
chronica genu sinistri, in quo erat fistula, laboravit. Genu intumnerat, et flexum erat,
ita ut moveri non posset. Resectio incisione semilunari facta est. Pars femoris 1^
pollices longa et pars tibiae J pollices longa relicta patella serra remota est. Ab-
scessibus telae cellulosae convalescentia retardata est. Post quatuor menses ankylosis
aderat est valetudo hominis melior evaserat.
2) Puer novem annos natus arthrophlogosi genu sinistri traumatica laboravit.
In articuli latere externo fistula erat. Aegr<?tus permagna macie erat affectus. Vesi-
catoria et calor et cataplasmata nihil valuerunt. Relicta patella resectio facta est.
Extremitates articulares molles, membrana synovialis pulposa erant. Tempore con-
valescentiae erysipelas cruris, in quo resectio erat facta, ortum est. Post sex hebdo-
mades ankylosis aderat et post septem hebdomades vulnera ad cicatricem pervenerant
Resectio quam Partridge fecit.
Vir viginti tres annos natus arthrophlogosi genu laboravit, cujuö causa erat
ignota. Pyarthrosis cum doloribus vehementissimis effecit, ut resectio patella relicta
adhiberetur. Incisio cutis litterae H similitudinem habuit. Extremitates articulares
carie affectae cartilaginibus carebant. Post octo hebdomades ankylosis aderat et to-
tum fere vulnus ad cicatricem pervenerat.
Resectio, quam fecit Cutler.
Juvenis quindecim annos natus arthrophlogosi genu, quacum fluctuatio erat
conjuncta, laboravit. Quum incisio esset adhibita, vulnus in fistulam abiit, quam ob
rem epiphysibus femoris et tibiae carie affectis resectio facta est incisura semilunari.
Pars | pollices longa superficierum articularium femoris cartilaginibus carebat, et os
hoc loco molle erat. Quae pars serra remota est. Maculae in tibiae et patellae
superficiebus articularibus, quae ulcerationem indicare videbantur, deletae sunt. Sup-
puratio copiosa et post tres menses mors secuta est.
