8 
Resectio, quam fecit Moore. 
Vir viginti quatuor annos natus spontana tibiae luxatione ad externum labo- 
ravit. Articulus sine negotio moveri potuit, sed tactus impatiens et fluctuatione majore 
affectus erat. Resectio relicta patella facta est. Quinto die hömo pyaemia decessit. 
Autopsia phlebitis suppurativa, renes hypertrophici et valde degenerati et granulosi 
inventi sunt. 
Thompson exitu felicissimo resectionem adhibuit in homine, qui luxatione 
spontanea eaque veteriore laborans .crure omnino uti non potuit. 
Resectio, quam fecit South. 
Puella quatuordecim annos nata, genu dextrum habuit tumens et dolens, in 
quo cicatrices et fistulae inerant. Specillo adhibito os necroticum inventum est. 
Resectio incisura semilunari, relicta patella, adhibita est. Post quinque hebdomades 
vulnere äd sanitatem perducto ankylosis paene perfecta aderaf. 
Resectiones, quae fecit Price 
1) Puella quindecim annos nata habitu scrophuloso tumore albo articuli genu 
sinistri, in quo nonnullae erant fistulae, laboravit. Doloribus non ferendis et spasmis 
vexabatur. Resectio sublata patella facta est. Incisura cutis literae H similitudinem 
habuit. Post decem hebdomades vulnus cicatrieibu's obductum, ankylosis paene 
• •* * 
perfecta erat. 
§,) Puer novem annos natus arthrophlogosi genu scrophulosa eaque vehemen- 
tissima laboravit. Resectio sublata patella adhibita - est. Post septem hebdomades 
ankylosis paene perfecta aderat. 
Ex his viginti quinque resectionibus, quas narravimus, septemdecim nata an- 
kylosi felicem exitum habuerunt, qua in re id quoque maximi est momenti, quod 
magna ex parte conditionibus infausti.s factae sunt. Fuit enim, ut hoc probemus, in 
numero eorum, in quibus haec operatio adhibita est, vir phthisi pulmonum laborans, 
qui post hanc resectionem valetudine usus est meliore. Quod quamvis sit mirandum, 
tarnen hoc inulto est gravius, quod etiam homini cuidam, in quo post hanc resectionem 
symptomata pyaemiae apparuerant, vita servata est. Quem exitum habuerit resectio, 
quam narrat Langenbeckius, nihil certi statui potest, quum puer unum tantum mensem