Cum in turnorum in hoc instituto chirurgico asservatorum numero sint, qui quamvis 
jam carcinomatum formam atque structuram non habeant tarnen reciderint equidem 
non otiosi quidquam suscipere mihi videor illos et tumores et recidivas descripturus 
et quid de iis secundum hodiernam histologiam pathologicam judicandum sit, brevibus 
adumbraturus. 
Primum ut in inedias res statirn venianms sinas me referre quales fuerint hi 
tumores in aegrotis et quomodo decurserint. Sunt enim quatuor neoplasmata, quae 
quamvis non carcinomata stricte dicenda, compluries reciderunt. Jam Langenbeck 
resecuit tumorem magnum Muusii cujusdam infra claviculam sedentem qui creverat 
per quinque annos. Attamen tres annos postea in cicatrice novus tumor exstitit 
lentissimus, mollis, nodosus, qui quamquam periosteo inhaerens facile sejungi potuit 
anno MDCCCXLVI. Tres menses postea novus tumor accrevit magnitudine pisi, 
celerior ille quidem et compluribus tumoribus circumditus. Excisus est mense Majo 
anni sequentis simul cum duobus tumoribus minoribus cavo axillae insedentibus. 
Tum vero jam duobus mensibus post in vulnere nondum sanatuo clavicula intumuit 
ita ut et ejus resectione opus esset. Postr&no aegrotus domum rediit ubi recidiva 
mortuus esse dicitur. 
Alius fuit tumor compluries recidens in musculo semimembranoso dextro Joannis 
Bunsen, nati quinqueviginti annos, qui die II. mensis Februarii anni MDCCCLVII ex- 
stirpatus est. Tertium tumorem ipse observavi in Bollero quodam qui exstirpatus 
quartum recidit ita ut recidivae plerumque celerius creverint, e quibus novissima in 
tota superficie ulceravit. Omnes hae recidivae in ipsa turnorum priorum cicatrice vel 
in ipso vulnere exstiterunt. 
Non ita illae recidivae quae tumorem magnum femoris lateri posteriori insi- 
dentem secutae sunt; tumore primo e neurilemate nervi ischiadici orto mense Octobre 
anni MDCCCLYIII funditus exciso jam post tres menses in vulnere nondum sanato 
recidiva visa est et ineunte mense Februario anni sequentis exstirpata; dein in supe-